DIPLOMAICA.dk

A meritoi një sjellje të tillë Gjeneral - Major Shaban Shala?!

Flakës së Janarit iu shtua edhe dëshmori më i ri i kombit- Gjeneral -Major, Shaban Shala. Se kush ka qenë dhe çfarë bëri për çështjen kombëtare deri në momentet e fundit të jetës së Tij nuk e kam ndërmend të shkruaj në këtë shkrim, sepse për këto do të shkruaj në librin “Të merituarit hyjnë në histori”, por do t’i qasem ditëve që kaluan nga momenti i marrjes së lajmit të kobshëm për vdekjen e Tij.

Gjeneral Shaban Shala

E shtuna ishte ditë pushimi për të gjithë, por kishte probleme edhe në lëvizje nga moti i lig e me ngrica. Por më të lig e bëri këtë të shtunë mos informimi nga RTK- ja për itinerarin e të shtunës, kjo u bë nga “harresa” institucionale apo defekti qëndronte diku tjetër, kryesorja qytetarët nuk dinin se në ora sa do të mbahej takimi përkujtues, ku do të mbahet ky takim dhe kur e ku do të varroset. Një informatë pak më të plotë e jep TVK- n, ndërsa TKV e RTV-21 as që e japin si lajm! Atë ditë pata shumë telefonata, që kërkonin informim mbi të gjitha këto sa u thanë.
Edhe përkundër kësaj “salla e kuqe” ishte përplot, sa asnjëherë më tepër. Aty bëheshin edhe homazhe, mirëpo tre lider të partive në Parlament nuk e panë të rrugës t’i bënin nderimin e fundit këtij veprimtari të pa shembull të historisë moderne, i cili tërë jetën ia kishte kushtuar çështjes kombëtare, sepse kanë menduar se do të mbesin nën hijen e Tij, perceptim i drejtë, se të tillë janë e do të jenë edhe në të ardhmen.
Nën hijen e Tij janë edhe institucionalistët që morën përsipër, informimin për qytetarët, orën përkujtimore, homazhet, referatet, që nga kënde të ndryshme të ndriçohej veprimtaria e Tij, sepse në këtë mbledhje përkujtimore mungoi biografia e Tij, munguan disa referate të domosdoshme. Unë mendova se këto do të lexoheshin te varri, sepse Gjeneral – Major Shaban Shala ishte:
Anëtar i Shoqatës së ish të burgosurve politik;
Anëtar i Shoqatës së veteranëve të luftës së UÇK-së;
Punëtor i Ministrisë së Punës dhe Mirëqenies Sociale;
Edhe kreator i TMK- së e i FSK- së, që për synim kishte krijimin e Ushtrisë Kombëtare.
Asnjë fjalë nga përfaqësuesit e këtyre institucioneve e shoqatave, e pse ndodhi kjo duhet ta thonë fjalën organizatorët, që me apo pa vetëdije e nëpërkëmbën kontributin e Gjenerali - Major Shaban Shalës.
Sikur të mbaronte me këtë nëpërkëmbje kjo pjesë e përkujtimit, e të përmirësohej në varrezat e dëshmorëve të kombit në Velani, nuk do të merrja mundimin për të shkruar. Kjo nëpërkëmbje, madje edhe më e madhe doli të varri. Asnjë letër nuk u lexua nga këto institucione apo shoqate! Përgjegjësit e tyre duhet të dalin publikisht për të treguar se kush i censuroi dhe pse e bënë këtë. Për një gjë jam i sigurt, se Zëvendës Ministri i Ministrisë së Punës dhe Mirëqenies Sociale, z. Fatmirë Shurdhaj ka përgatitur një shkrim për këtë rast.
Shkuam edhe për ngushëllime në fshatin e lindjes - Gjergjicë. Një organizimi bukur i mirë në pritje nga familjarët, kushërinjtë e shokët, por ajo që më ra në sy ishte, se asnjë nga ata që kanë bërë emra si deputet apo pushtetar, ish bashkëveprimtar, nuk ishte aty. Kam pasur rastin të shkojë edhe për ngushëllime të të tjerëve dhe gjithnjë dikush nga këta “emra” rrinte në të pame, madje edhe kur dikush delte nga burgu i akuzuar për krime lufte. Kam pritur që edhe në këtë të pame ta shihja dikë duke i pritur, bashkëveprimtarët e qytetarët nga të gjitha viset shqiptare që vinin për të shprehur ngushëllim. Ndoshta organizatorët kanë menduar se me ditën e shtunë kanë kryer misionin e vet, ndoshta “emrat” e njohur në politikën e Kosovës kanë menduar, disa as që ishin në “sallën e kuqe”, se kanë kryer misionin e vet me të shtune, e disa kanë menduar, se me prezencën e tyre do ta madhojnë personalitetin e Shabanit. Edhe ashtu Shaban Shala është personalitet i madh i historisë kombëtare, pa të cilin nuk mund të shkruhet historia.
Familjes dhe bashkëveprimtarëve të Tij u përcjelli ngushëllimet e sinqerta dhe duhet të krenohen që kanë pas një bashkëshort, baba, vëlla e bir dhe shokë këtë veprimtar të madh, të sinqertë e këmbëngulës për zgjidhjen e kauzës kombëtare.

Prishtinë, 11.01.2012

Afrim Morina

Shkrimet e tjera të këtij autori

Publikuar më 11 janar, 2012 në orën 18:40

Madhësia e shkronjave:

Kategoria: Opinion

KUR SHITEN E BLIHEN, . . . DEPUTETËT!

E premtë, 18 maj 2012 - 21:48
Në këtë shkrim, pak sa interesant, për nga problematika që trojton, dua të tërheq vëmendjen e lexuesit të kujdesshëm në njërën nga dukuritë më “mbresëlënës...

Sërish barra u mbetet studentëve

E premtë, 18 maj 2012 - 18:52
Shqiptarët gjithsesi në thumb të kritikës. Edhe atëherë kur Shqipëria londineze cilësohej si shtet ateist, edhe sot kur shqiptarët iu rikthyen fesë. Kjo ka...

SI VEPROI BOTA ME TRADHTARËT DHE SPIUNËT?!

E enjtë, 17 maj 2012 - 08:43
Shtetet në kohë e vjetër mbroheshin nga armiqtë e brendshem dhe të jashtëm me metodat e informimit dhe të kunderinformimit dhe me mjetet që i pergjigjeshin...

ÇËSHTJA SHQIPTARE NË BALLKAN NUK ËSHTË ÇËSHTJ...

E enjtë, 17 maj 2012 - 07:34
Ministria e Punëve të Brendshme e Qeverisë së Maqedonisë, për vrasjen e pesë maqedonasve i fajësoi “islamistët radikalë” - shqiptarë. Me këtë konstatim, k...

NA MUNGON SHUMË MENDJA E UKSHIN HOTIT

E hënë, 14 maj 2012 - 21:45
Gjenit gjejnë forma për t’i artikuluar mendimet e veta dhe për t’i plasuar në atë pjesë të botës së ndërgjegjësuar, e cila do t’i shfrytëzojë për të mirën ...

Vazhdo në kategorinë: Opinion