DIPLOMAICA.dk

Nexhmije Hoxha: Janë zhdukur dokumente origjinale të Enverit nga Arkivi i Shtetit

Nexhmije Hoxha

Në një letër dërguar dje pasdite në redaksinë e Shekullit, Nexhmije Hoxha denoncon zhdukjen e dorëshkrimeve origjinale të Enver Hoxhës nga Arkivi i Shtetit. “…

Ky fakt u konstatua vetëm kohët e fundit, kur familja e shqetësuar që në disa emisione televizive e në shtyp, po flitej e shkruhej nga ndonjë publicist se dispononte dokumente nga arkivi personal i Enver Hoxhës, dërgoi në AQSH pjesëtaren e saj, Teuta Hoxha, që kërkoi në Fondet e Dosjet përkatëse ku rezultoi se mungonin dorëshkrimet origjinale, – thuhet në letrën, të cilën mund ta lexoni të plotë më poshtë:
Me anë të kësaj deklarate, vë në dijeni median dhe opinionin publik të Shqipërisë dhe të gjithë shqiptarëve, kudo ndodhen se: Në Arkivin e Shtetit të Republikës së Shqipërisë janë zhdukur dorëshkrimet origjinale të Ditareve politike e familjare të Enver Hoxhës, si dhe dorëshkrimet origjinale të Kujtimeve të tij.

Kur ka ngjarë ky akt kriminal i pashembullt, ne nuk e dimë. Ky fakt u konstatua vetëm kohët e fundit, kur familja e shqetësuar që në disa emisione televizive e në shtyp, po flitej e shkruhej nga ndonjë publicist se dispononte dokumente nga arkivi personal i Enver Hoxhës, dërgoi në AQSH pjesëtaren e saj, Teuta Hoxha, që kërkoi në Fondet e Dosjet përkatëse ku rezultoi se mungonin dorëshkrimet origjinale.
Ky konstatim iu bë me dije Drejtores së Arkivit të Shtetit, e cila pasi bëri verifikimet e saja, na komunikoi zyrtarisht me shkresat Nr. 5336/1 më datë 14-12-2011 dhe Nr.3112/11 më datë 27-12-2011 për mos ekzistencën e këtyre materialeve në Fondet e këtij Arkivi.

Kjo zhdukje, vjedhje a përvetësim qoftë, flet për një gjendje jo normale në Arkivin e Shtetit. Eshtë një shkelje flagrante e ligjeve që përcaktojnë funksionimin rigoroz të Arkivit të Shtetit, ku theksohet qartë:( Neni 63.)

“Arkivat mbrojnë jetën intime të personit. Ndalohet njohja, shfrytëzimi dhe publikimi i dokumenteve që përmbajnë të dhëna me karakter vetjak dhe cënojnë jetën private të personit. Dokumentet që përmbajnë të dhëna me karakter vetjak dhe cënojnë jetën intime të personit, shërbehen vetëm pasi kanë kaluar, sipas rastit, 50 deri në 150 vjet nga data e krijimit të tyre.”

Përmbajtja e këtij neni është në përputhje me parimin bazë të njohur në gjithë ligjet e shteteve të përparuara mbi arkivat, ku këto trajtohen si tempuj, ku ruhet e mbrohet dokumentimi i historisë së një vendi, të një shteti a personaliteti të shquar, qoftë politik, shoqëror a kulturor.

Enver Hoxha, Ditaret e tij i dorëzonte, vit pas viti, në Arkivin e Komitetit Qendror të Partisë së Punës, me anë të sekretarit të tij personal, Haxhi Kroi. Ne, si familje, kemi në dipozicion kopjet e këtyre Ditareve.

Arkivi i KQ të PPSH kaloi tërësisht në Arkivin e Shtetit pas ndryshimit të sistemit monist me atë pluralist, menjëherë kur PPSH u transformua në Parti Socialiste. Përveç sa u parashtrua më sipër lidhur me zhdukjen e dorëshkrimeve origjinale të Ditareve e shumë shkrimeve të tjera, shohim që nga ndonjë stacion televiziv, transmetohen fragmente filmash dokumentarë nga jeta private e Enver Hoxhës, pa marrë leje nga familja, siç kërkohet në ligjin përkatës për këtë lloj dokumentarësh. Nuk është fjala aspak për dokumentarë që i përkasin jetës zyrtare, politike e shoqërore të Enver Hoxhës.

Para këtyre shkeljeve të ligjeve, me humbje tejet të rënda për mua si bashkëshorte si dhe për fëmijët tanë, rrjedhimisht trashigimtarë të këtyre dokumenteve të Enverit,unë menjëherë pas këtij njoftimi publik, do t’i drejtohem institucionit përkatës shtetëror, Prokurorisë së Përgjithshme të bëjë punën e saj, të hetojë e të zbulojë çfarë lëshimesh janë bërë nga drejtuesit e AQSH dhe të vihet gisht mbi përgjegjësit, kushdo qofshin këta, direkt a indirekt, të brendshëm e jo më pak të jashtëm, të vjetër apo të rinj.
Denoncimi i këtyre shkeljeve në Prokurorinë e Përgjithshme, do të bëhet nga djali ynë i madh, Ilir Hoxha.

Familja, për këtë humbje të madhe, do të njoftoj edhe Qendrën Ndërkombëtare të Arkivave, anëtare e së cilës është edhe AQSH.

Zbulimi i këtij akti të shëmtuar, tepër i dhimshëm për familjen tonë, duhet trajtuar jo si një ngjarje e rastit që, lidhet vetëm me një person, kundër të cilit, gjatë këtyre 20 vjetëve të demokracisë, është hedhur një mal me baltë dhe janë kurdisur shpifje e falsifikime të paimagjinueshme.

Akti i zhdukjes së dorëshkrimeve origjinale të Enver Hoxhës, nga Arkivi i Shtetit duhet parë si pjesë e strategjisë antikombëtare e antihistorike të pushtetarëve demokratë, për asgjesimin e çdo gjëje që i përket së kaluarës 50 vjeçare, përfshi Luftën e lavdishme për çlirimin e Atdheut dhe, pas saj, për ndërtimin e një Shqipërie të re, të Pavarur, Sovrane dhe me një shoqëri të emancipuar.
Në këtë vit të 100 vjetorit të Pavarësisë e krijimit të Shtetit shqiptar, Qeveria e Sali Berishës dhe forcat që e mbështesin atë, janë në dilemë të madhe, si të mënjanojnë këtë periudhë historike gjysmë shekullore.

Këta njerëz, për të mbajtur fort majat e pushtetit që kanë kapur, bëjnë marrëzira, por sidomos bëhen të rrezikshëm, jo vetëm për një rast të veçantë a persona të caktuar, ata bëhen gjithnjë e më të rrezikshëm për t’ardhmen e Shqipërisë e të Kombit shqiptar.

Nexhmije Hoxha
Tiranë, më 1-02-2012

Teuta Hoxha: Video e Enverit e manipuluar.

Teuta Hoxha disa dite me pare hodhi poshtë videon e shpërndarë në media e youtube, si dhe zbardhjen e tekstit të këtij teksti, të bërë në lirin e Fevziut, e ku Enver Hoxha duket sikur nuk kupton se ku ndodhet.
Teuta flet për dyshimin e lindur në familjen Hoxha për këto imazhe: “Kur gazetari Blendi Fejvziu botoi librin Enver Hoxha, unë lexova për herë të parë të zbardhur fjalët që shqiptoheshin në atë filmim”. Më pas zonja Hoxha thotë se video ishte e ngadalësuar, dhe e prekur me qëllim që të mos kishin lidhje mes tyre. Dhe arsyeton: “Sidomos dyshimi se përse kishte patur një mbledhje byroje nëse ai kishte qenë në atë gjendje, dhe aq më shumë përse duhej të ish filmuar, ishte prezent sa herë e shikonim si video. Në tekstin e Fevziut (fq 337) ka manipulim, por të paktën shërbeu që të kërkonim procesverbalin e mbledhjes, ku duket qartë se Enver Hoxha ishte shumë logjik në kërkesat e tij.”

Linku i mëposhtëm ka zbardhjen e procesverbalit të datës 12 shkurt 1985, ditë kur dhe zhvillohet Mbledhja Plenare e Byrosë Politike të KQ-së së Partisë.
Në atë mbledhje u morën në shqyrtim tre çështje dhe teksti duket se i jep të drejtë Teuta Hoxhës.

Publikuar më 03 shkurt, 2012 në orën 19:56

Madhësia e shkronjave:

Kategoria: Lajme

F T E S Ë

E dielë, 20 maj 2012 - 05:46
Të dashur bashkatdhetarë! Jemi të nderuar, që kemi rastin t´ju njoftojmë, që deputeti i Kuvendit të Kosovës dhe udhëheqësi i Lëvizjes VETËVENDOSJE, Albin ...

Ndalojeni spastrimin etnik në Kosovë!

E premtë, 18 maj 2012 - 18:55
Shkruan: Vagn Rasmussen Vizitë e dy udhëheqësve të VETËVENDOSJES nga Kosova, në Danimarkë.

BDSH letër të hapur Ali Ahmetit

E premtë, 18 maj 2012 - 14:12
Bashkimi Demokratik Shqiptar që drejtohet nga Bardhyl Mahmuti i ka shkruar një letër të hapur kreut të BDI-së, Ali Ahmetit pas deklarimit të tij të fundit ...

Greqia, bashkëpuntore e serbisë në krimet e l...

E enjtë, 17 maj 2012 - 12:02
Shkruan: Spiro Butka Ndërsa presidenti Serb Tadiç, provokon me vizitën e tij në manastirin e lashtë Shqiptar të katoliçizmit Romak, shteti Grek në fali...

Dashuria për kombin - kryebesimi i shqiptarëv...

E shtunë, 12 maj 2012 - 06:02
Lista për Shqipëri Natyrale përshëndet protestat e shqiptarëve në Shqipërinë Lindore, ka deklaruar Koço Danaj, drejtuesi i kësaj liste, e cila vepron për b...

Vazhdo në kategorinë: Lajme