Një gotë në dorë,
dy sy që lëkunden,
të dehurit hapat,
si dallgë i tunden.
–
E këndon vetveten,
me një këngë të vjetër,
në duet me gotën,
se s’ka njeri tjetër.
–
Një gotë për mërzinë,
një për dashurinë,
një tjetër për farefisin,
tjetrën për shoqërinë.
–
Pijen e ka shok,
e mik të gëzimit,
thotë e kam ilaç,
të dhimbjes e trishtimit.
–
Niset për shtëpi,
dhe se gjen prap,
troket në çdo derë,
por askush s’ia hap.
–
Trokit derë më derë,
tërë lagjen ka kaluar,
mëngjesi e gjen,
shtëpinë duke kërkuar.
–
Por këtë i gjori,
e ka zanat të vjetër,
mbrëmja sapo vjenë,
e mbushë gotën tjetër!
‘