Nëse është i vërtet ky vërtetim i lëshuar nga Shtabit të Përgjithshëm të Ushtrisë maqedone për Gjeneralin Besnik Emini, i cili merr mirënjohje si fletë lëvdatë për pjesëmarrje në operacionet luftarake më 2001, që mbrojtën sovranitetin e “državës” nga armiqtë e vendit, ( kundër UÇĶ-së)
Kjo mirënjohje flet qartë se ky lloj Gjenerali puthador më 2001, nuk zgjodhi anën e popullit të tij dhe t’i bashkohej formacioneve ushtarake të UÇK-së që luftonin për liri kur “država” na mohonte ato të drejta, ai zgjodhi të qëndronte besnik i “branitellëve”!
Por, ajo që është më skandalozja është se “država Severna” edhe sot vazhdon të na trajtojnë përmes kushtetutës si 20%, (pasi komandantët renegatë të UÇK që ishin katapultuar me detyra të posaçme nga “država”, sabotuan dhe devijuan amanetin e luftëtarëve të lirisë për liri dhe barazi të plotë duke pranuar MO që sanksiononte gjuhën shqipe si 20%!)
Kësisoj, togeri i ri i ndenji besnik deri në fund “branitellëve” që bombardonin fshatrat shqiptare për t’i zhdukur “terroristët shqiptarë” të UÇK-së.
Për degradimin e Gjeneral Emini nga një detyrë e lartë komandimi në një detyrë më pak të rëndesishme për DUI-n dhe për VREDI-n, por edhe për asnjë shqiptar tjetër që i thotë vetes patriot nuk duhet “derdhur lotë krokodili” për këtë “branitell” që ka marrë pjesë në luftë kundër luftëtarëve të lirisë siç ishin formacionet atdhetare të UÇK-së në vitin 2001.
Ndaj, zëvendësimi i Gjeneralit “branitell” duhesh bërë me një tjetër Gjeneral shqiptar “jobranitell”, ku për këtë zëvendësim DUI dhe VREDI do duhej të kishin ngritur alarmin sepse është bërë vetëm zëvendëzimi i një “branitelli” me një tjetër, ndaj emërimi i një Gjenerali tjetër shqiptar do ta justifikonte zëvendësimin në hierarkin e ushtrisë së “državës” e cila nëse do të qëndrojë më këmbë duhet të ec përpara duhet të ec edhe me Gjeneralët shqiptarë, por jo si “branitelli” Emini!