* Bajram Currit – “Hero i Popullit”
–
Në B.Curr, më 29.03.2005
–
Në zemër të Alpeve, në një qytet,
Një kreshnik, maleve, prapë u flet.
I rrinë bjeshkët përreth, kurorë,
E felt kreshniku, me pushkë në dorë.
–
I flet Valbonës Plaku trim:
“Çomua djemëve një kushtrim;
Plaku i Maleve, u çon fjalë:
Për Atdhe, kush ka lind’ djalë;
–
Kush ka pirë gjirin e Lokes,
Kush e ndien peshën e tokës,
Kush e don në flamur lavdinë;
Për asgjë, të mos e shesë, Lirinë”!
–
Kapërcejnë ditët ndër mote,
Shtizë e flamurit, fjala Jote:
“Mos ia shitni vatanin djalit,
He, ju plaçin sytë e ballit”!
–
Nëpër Alpe, një trim shtegton,
Nga dora pushkën, kurrë s’e lëshon.
Prapa i shkojnë, breza e trima,
Flakërojnë sytë e tyre, vetëtima.
–
“Mbi tradhëtarë të lëshojmë rrufe,
Me gjak jete, e lamë çdo pëllëmbë,
T’i mbrojmë tonat troje, këtë dhe!
Se, e Atdheut dhembje, Tokën shemb!
–
Pushka e plakut gjëmon ndër mote,
Kushtrim, n’ballë të Shqipes, fjala Jote.
Të trimit fjalë, shqiptaria, frymë kohe,
E tij urtësi, yni flamur, ballë çdo shqote!
–
Fusha, male, mote, prapë gjëmojnë,
Të Plakut fjalë, prore në këngë rrojnë.
S’të harrojnë brezat në aradha vitesh,
Ti, “Legjendar, Ante, po rritesh!”