Shkruan: Dr.Abdulla Mehmeti

Shpalime historia
Veria (në gjuhën pellazge-ilire (greqishte e vjetër): Βέροια ose Βέρροια), e transliteruar zyrtarisht Veroia (Veria), e shkruar në burime historike edhe Berea ose Berœa, është një qytet në Maqedoninë Qendrore të sotme, në rajonin gjeografik të Maqedonisë në Greqinë veriore, kryeqyteti i njësisë rajonale të Emadhisë (Imathia). Ndodhet 511 kilometra në veri veriperëndim të kryeqytetit Athinë dhe 73 km në perëndim të Selanikut.
Edhe për shkencën zyrtare në Greqinë e sotme, Veria njihet si një qytet i vjetër; i përmendur për herë të parë në shkrimet e Tukididit, në vitin 432 p.e.s., i cili ka dëshmi se Veria ishte e populluar së paku 1000 vjet para erës sonë. Veria ishte një pronë e rëndësishme edhe për Filipin II të Maqedonisë (sipas shumë burimeve historike mendohet se ka qenë babai i Lekës së Madh*), ndërsa më vonë pronë me rëndësi edhe për romakët.
Apostulli Shën Pali predikoi me famë në këtë qytet, banorët e tij ishin të parët që e pranuan krishterimin në Ilirik, nën Perandorinë Romake. Më vonë, nën perandorinë e Romës Lindore dhe nën Perandorinë Osmane, Veria ishte një qendër e kulturës dhe arsimit në gjuhën e lashtë pellazge-ilire (greqishten e vjetër*).
Sot, Veria është një qendër politike, administrative dhe tregtare në Maqedoninë Qendrore*, si kryeqytet i njësisë rajonale të Emadhisë (Imathia) dhe selia e një peshkopi Mitropolit të Kishës së Greqisë në Patriarkanën Ekumenike, si dhe një seli titullare katolike latine.
Vendi i gjerë arkeologjik i Verginës (Aegae e lashtë, kryeqyteti i parë i Maqedonisë), një vend i Trashëgimisë Botërore të UNESCO-s, që përmban varrin e Filipit II të Maqedonisë, shtrihet 12 km (7 mi) në juglindje të qendrës së qytetit Veria.
(12 janar 2023)