Sot është 27 janar 2023.
Për shumicën e njerëzve, është vetëm një ditë tjetër. Për komunistët, hebrenjtë dhe të gjitha grupet që u kapën në gjenocidin brutal nazist, sot është Dita e Përkujtimit të Holokaustit.
27 janari u zgjodh për këtë memorial të rëndësishëm, sepse në këtë ditë të vitit 1945, luftëtarët trima të Ushtrisë së Kuqe Sovjetike, kaluan nëpër Evropë dhe çliruan kampet naziste të përqëndrimit dhe shfarosjes. Në këtë ditë, në veçanti ishte çlirimi i një prej kampeve më famëkeq: Aushvic II – Birkenau, i vendosur afër Krakaut, Poloni.
Në mënyrë shqetësuese, Rusia nuk u ftua të dërgonte një të dërguar për Përvjetorin Përkujtimor të Çlirimit të Aushvicit 2023, pavarësisht rolit të saj historik në çlirim. Ky kamp i punës së detyruar dhe shfarosjes, mbikëqyri 1.3 milion njerëz. Prej tyre, 1.1 milion u vranë. Përafërsisht 960,000 prej tyre ishin hebrenj, por kishte edhe rreth 70,000 polakë, 20,000 romë, 15,000 robër lufte sovjetike dhe të tjerë që ranë viktimë e kësaj makine brutale të vdekjes naziste.
Ndërsa sot është një ditë zie, është gjithashtu një ditë për të festuar trimërinë dhe heroizmin e shokëve tanë nga Bashkimi Sovjetik, si dhe shokët tanë nga bota që erdhën për të luftuar kërcënimin e fashizmit dhe nazizmit në Luftën e Madhe Patriotike. Vetë Bashkimi Sovjetik humbi pjesën më të madhe të jetëve, duke arritur në rreth 20 milionë, duke luftuar për çlirimin e klasës punëtore në mbarë botën.
Vëllezërit dhe motrat tanë hebrenj, romë, sllavë dhe të tjerë, bënë beteja të pamasë kundër brutalëve fashistë. Grupet e rezistencës komuniste së bashku me partizanë të tjerë antifashistë në të gjithë Evropën, si Rezistenca Franceze, Organizata Luftarake Hebraike, Unioni Ushtarak Hebre, Guardia Ludowa, Partizanët Jugosllavë dhe shumë të tjerë luftuan me guxim nazistët dhe fashistët.
Me Bashkimin Sovjetik nën udhëheqjen e gjigantëve, si shokët Stalin, Molotov, Dmitrov dhe shumë të tjerë, së bashku me udhëheqjen liberale antinaziste si Roosevelt, Churchill dhe de Gaulle, bota ishte në gjendje të vriste bishën e nazistëve.
Megjithatë, për fat të keq, sot po shohim që Fashizmi po ngrihet sërish në botë.
Partia e Komunistëve të SHBA u bën thirrje të gjithë atyre që kundërshtojnë fashizmin, që të vazhdojnë të luftojnë kundër regjimit fashist ukrainas, i cili për 9 vitet e fundit ka spastruar etnikisht ukrainasit rusishtfolës dhe romët, ka ndaluar të gjitha partitë opozitare, veçanërisht Partinë Komuniste të Ukrainës, ka goditur dhe madje ka ndaluar sindikatat, ka djegur Shtëpinë e Sindikatave në Odessa, duke vrarë 50 sindikalistë, komunistë dhe socialistë, dhe ka përkrahur nazistët dhe bashkëpunëtorët nazist të epokës së Luftës së Dytë Botërore, si Stepan Bandera, si dhe duke tundur flamujt dhe logot të grupeve, si Organizata e Nacionalistëve Ukrainas, divizioni Nachtigall, SS Galicia dhe më shumë.
Megjithatë, fashizmi nuk është i kufizuar vetëm në Ukrainë sot. Kompleksi Industrial Ushtarak i Shteteve të Bashkuara me aleatët e tij në NATO dhe BE e shtyjnë fashizmin në mbarë botën.
Komisioni Hebre i Partisë së Komunistëve të SHBA-së u bën thirrje të gjithë atyre që kundërshtojnë fashizmin që t’i bashkohen luftës kundër fashizmit, duke u përfshirë politikisht, të ndërtojnë dhe të bashkohen me Frontet e Bashkuara, të protestojnë kundër fashizmit brenda dhe jashtë vendit dhe në çdo mënyrë tjetër.
NUK MUND TA LËMË FAZHIZMIN TË FITOJË. NO PASARAN!
Në solidaritet, Komisioni Çifut, Partia e Komunistëve SHBA.
/ Afishoj Gjon Bruçi/