(Studiues-Analist)
*Një thirrje për mbrojtjen e familjes tradicionale shqiptare dhe identitetit kombëtar*
Në një kohë kur shumë vende të Europës po rivlerësojnë politikat e tyre mbi identitetin gjinor dhe familjen, Shqipëria duket se po ecën në drejtim të kundërt me rrënjët e veta kulturore.
Projektligji që synon ndryshime thelbësore në kuptimin juridik të familjes ngre shqetësime serioze për shthurjen e strukturës tradicionale mbi të cilën është ndërtuar kombi shqiptar. Presidenti i Republikës nuk duhet ta firmosë këtë ligj, sepse ai nuk përfaqëson vlerat e shoqërisë shqiptare, por përkundrazi – i imponon një model të huaj që as vetë Europa nuk e ka pranuar plotësisht.
1. Familja shqiptare – një vlerë që nuk blihet me politika dhe idellogji
Familja shqiptare është themeli i shoqërisë sonë, trashëguar brez pas brezi nga traditat pellazgo-ilire deri te Kanuni i Lekë Dukagjinit. Në thelb të saj qëndron bashkimi midis burrit dhe gruas si burim jete, harmonie dhe përgjegjësie për fëmijët. Shkatërrimi i këtij modeli nuk është përparim – është vetëshkatërrim. Siç theksonte filozofi gjerman Friedrich Nietzsche, “Ai që ka një pse për të jetuar, mund të përballojë çdo si.” Nëse shoqëria shqiptare humb “pse”-në e saj – familjen – atëherë çdo “si” modern mbetet bosh.
2. Nuk është kusht i Bashkimit Europian
Në asnjë dokument zyrtar të Komisionit Europian apo të Parlamentit Europian nuk kërkohet që një vend kandidat të ndryshojë përkufizimin tradicional të familjes për t’u anëtarësuar në BE.¹
Politikat e barazisë gjinore në kuadrin e BE-së kanë të bëjnë me mbrojtjen nga diskriminimi, jo me detyrimin për të miratuar martesa të së njëjtës gjini apo “gjinira të reja”.² Prandaj, argumenti se “këtë e kërkon Europa” është një mashtrim politik që përdoret për të mbuluar interesa të ngushta ideologjike.
3. Shembulli i Italisë dhe i vendeve të tjera europiane
Italia – vend themelues i BE-së – nuk ka legalizuar martesën e të njëjtës gjini.³ Ajo njeh vetëm bashkësi civile, pa të drejtë adoptimi, dhe Kisha Katolike ka ruajtur ndikim të fortë moral në mbrojtje të familjes tradicionale.⁴
Po kështu, shumë vende europiane – si Polonia, Hungaria, Rumania dhe Kroacia – kanë refuzuar çdo formë ligjore që barazon bashkësitë e së njëjtës gjini me familjen natyrore.⁵
Pra, nuk është “Europa” ajo që kërkon ndryshimin, por një grup politikësh të brendshëm që duan të imitojnë modele të huaja për interesa ideologjike.
4. Heshtja e klerit dhe përgjegjësia morale
Është e pafalshme heshtja e përfaqësuesve të tri besimeve kryesore – katolik, mysliman dhe ortodoks – përballë një ligji që cënon vetë themelet shpirtërore të kombit. Në historinë shqiptare, feja ka qenë gjithmonë në mbrojtje të familjes dhe moralit. Heshtja sot është tradhti ndaj besimtarëve dhe ndaj atdheut. Kleri duhet të flasë hapur dhe të mbrojë strukturën e familjes si një e drejtë natyrore, e sanksionuar jo vetëm në traditën fetare, por edhe në kulturën kombëtare shqiptare.
5. Pse Presidenti nuk duhet ta firmosë
Presidenti është garant i Kushtetutës dhe simbol i unitetit kombëtar. Ai nuk mund të jetë noter i një ligji që shkatërron identitetin moral të shoqërisë. Firmosja e një ligji të tillë do të thotë shkelje e detyrimit për të mbrojtur rendin shoqëror dhe familjar që buron nga Kushtetuta dhe tradita. Presidenti duhet të thirret në ndërgjegje dhe të refuzojë çdo ligj që bie ndesh me moralin publik, dinjitetin njerëzor dhe vlerat themelore të familjes shqiptare.
6. Përfundim: Një thirrje për kthim te rrënjët
Asnjë komb nuk mbijeton pa familje. Shqipëria nuk mund të ndërtojë të ardhmen duke mohuar rrënjët e saj. Presidenti i Republikës duhet të tregojë se është përfaqësues i gjithë popullit shqiptar, jo zëdhënës i ideologjive që s’kanë lidhje me realitetin e vendit tonë. Mos e firmos, z. President-thirri mendjes!
Fusnota/Biblografi
1. European Parliament, The Rights of LGBTI People in the European Union (Brussels: European Parliamentary Research Service, 2025), 5–7.
2. European Commission, EU Guidelines on Non-Discrimination Based on Sexual Orientation and Gender Identity, COM(2024) 88.
3. “Recognition of Same-Sex Unions in Italy,” Wikipedia, last modified 2025.
4. “Catholic Church Calls It a Loss for Everyone as Italy Approves Same-Sex Unions,” Premier Christian