Kujtesë
Në ditën e përkujtimit të viktimave nga tërmeti i Shkupit,
26 korrik 1963 – 2024
QYTETI I SHKUPIT EDHE PARA VITIT 1963 KA PËRJETUAR DISA TËRMETE, MURTAJA, ZJARRE DHE SHKATËRRIME NGA PUSHTUESIT
1. Në vitin 518
Shkupi u shkatërrua nga një tërmet i fuqishëm, që goditi Provincën e Dardanisë, bashkë me 24 qytete-kështjella përreth , siç thonë kronikat e kohës, sa hap e mbyll sytë.
2. Në vjeshtë të vitit 1189/1190
Shkupi u shkatërrua nga Stefan Nemanja, në fushatën e tij pushtuese në Kosovë, Anamoravë (Nish) dhe Pollog, kur shkatërroi disa qytete si, Gradecin (Daudracum) dhe qytetin e Leshkës (atëkohë vendbanimi më madh në Pollogun e Poshtë), duke e shfrytëzuar Kryqëzatën e Tretë kundër Perandorisë Romake Lindore (Buzanit/Bizantit), të udhëhequr nga Fridrihu I – Barbarosa.
3. Në vitin 1689
Shkupi u shkatërrua nga mortaja dhe zjarri, në kryengritjen e njohur kundër Perandorisë Osmane, e udhëhequr nga popullsia e krishterë vendëse, në aleancë me ushtrinë Habsburge, nën udhëheqjen e gjeneralit Pikolomini (Enea Silvio Piccolomini, (1640 – 9 nëntor 1689).
* Gjenerali i ushtrisë Habsburge, Enea Solvio Pikolomini (Enea Silvio Piccolomini (gjermanisht: Johann Norbert Piccolomini; në shërbim të Shteteve të Papatit. I lindur rreth vitit 1640 në Siena të Italisë, ndërroi jetë nga murtaja, në Prizren ose Shkup, më 9 nëntor 1689). Ishte nga një familje fisnike, prejardhja e të cilit përfshinte dy papë dhe që shërbeu në ushtrinë Habsburge të Leopoldit I. Perandor Romak. Ai është i njohur për udhëheqjen e një fushate kundër Perandorisë Osmane në Bosnjë, Kosovë, Maqedoni dhe Bullgari, në vitin 1689 dhe për vënien e zjarrit në Shkup, kryeqyteti i Dardanisë antike, sot kryeqyteti i Republikës së Maqedonisë Veriore.
Sipas origjinës, Enea Silvio Piccolomini vinte nga familja fisnike e njohur, Piccolomini, nga e cila kishin dalë dy papë: Papa Piu II (i lindur Enea Silvio Bartolomeo Piccolomini) dhe Piu III (i lindur Francesco Todeschini Piccolomini), si dhe Gjenerali (feldmarschall) Ottavio Piccolomini.
(26. 7. 2024)